ԵՄ - ՀՀ Քաղհասարակության պլատֆորմ
2017 թվականի նոյեմբերի 24-ին Բրյուսելում ստորագրված և 2021 թվականի մարտի 1-ից պաշտոնապես ուժի մեջ մտած հհ եվրամիություն համաձայնագրով (ՀԸԳՀ կամ CEPA) 366-րդ հոդվածով ստեղծվել է քաղհասարակության պլատֆորմ, որը բաղկացած Եվրամիության քաղհասարակության ներկայացուցիչներից և Հայաստանյան քաղհասարակության ներկայացուցիչներից։ Նշված քաղհասարակության պլատֆորմի նպատակն է ՀԸԳՀ-ի իրականացման վերաբերյալ Հայաստանի իշխանություններին խորհրդատվություն տրամադրելը, Համաձայնագրի կիրարկման և իրականացման մշտադիտարկում կատարելը, ՀՀ և Եվրամիության քաղաքացիական հասարակության միջև շփումների և կապերի հաստատումը։ Քաղհասարակության պլատֆորմն ավանդաբար բաղկացած է երեք կողմերի՝ աշխատողների, գործատուների և հասարակական կազմակերպությունների ներկայացուցիչներից։ Այսպիսով, Պլատֆորմը լրացնում է ԵՄ-Հայաստան Համապարփակ և ընդլայնված գործընկերության համաձայնագրի շրջանակներում գոյություն ունեցող քաղաքական մարմինները և թույլ է տալիս երկու կողմերի քաղաքացիական հասարակության կազմակերպություններին մշտադիտարկել Համաձայնագրի իրականացման գործընթացը և առաջարկություններ պատրաստել ԵՄ-Հայաստան Գործընկերության խորհրդին և այլ համապատասխան մարմիններին ինչպես Հայաստանում, այնպես էլ ԵՄ-ում։
tags: cepa քաղհասարակության պլատֆորմ հարթակ հհ եվրամիություն համաձայնագիր cepa հարթակ
Ովքեր են ներկայացված Պլատֆորմում
Պլատֆորմը կազմված է ՀՀ և ԵՄ կողմերից յուրաքանչյուրի ներկայացուցիչներից, որոնք իրենց հերթին ներկայացնում են երեք հատվածներ՝ արհմիություններ, գործատուներ և քաղաքացիական հասարակության այլ կազմակերպություններ: ԵՄ կողմից այն կազմված է Եվրոպական տնտեսական և սոցիալական կոմիտեի (EESC) անդամներից՝ ընտրված իր իրավասու մարմինների կողմից, ինչպես նաև խոշոր եվրոպական կազմակերպությունների (Eurochambres, BusinessEurope, ITUC, ETUC, COPA և COGECA, Արևելյան գործընկերություն) ներկայացուցիչներից։ Հայկական կողմից այն կազմված է բիզնեսից (երեք անդամ), արհմիություններից (երեք անդամ) և քաղաքացիական հասարակության այլ կազմակերպություններից (չորս անդամ):